السلام عليكم ورحمة الله وبركاته
كيف حالكم يا أحلى أعضاء وأوفى زوار إن شاء الله بخير
العيد على الأبواب إن شاء الله وأكيد كل الأسر تستعد للمناسبة بتحضير مختلف الحلويات
اليوم سأقدم بقلاوة بعجينة الفيلو الجاهزة
المكونات:
عجينة الفيلو الجاهزة

نحتاج أيضا ل:
مكسرات + زبذة ذائبة+ عسل + سكر + ماء الزهر + صينية

أولا نقوم بتجهيز الحشو أنا هنا إستعملت اللوز والكاوكاو والجوز كمية من كل صنف
الكاوكاو حمصتو في الفرن وقشرتو
اللوز قشرتو وذلك بوضعه مدة من الزمن في ماء ساخن وخليتو  ينشف مليح هكذا ما يعجنش
والجوز
رحيت كلشي خشين شوي
أضفت السكر بحيث 3 كيلات حشو تقابلها كيلة سكر أنا نقصت شوي على خاطر تجي حلوة ياااااااااااسر مع العسل
رشيتها بماء الزهر ووضعت القليل من الزبذة الذائبة باش يكون الحشو طري
بعدها فتحت كيس عجينة الفيلو
لازم يكون كلشي قدامك على خاطر عجينة الفيلو تنشف وتتكسر على هادا لازم تغطيها كي تكوني تخدمي ولازم تكوني سريعة في خطواتك
أولا نذهن الصينية بالزبذة ونبدأ في وضع رقائق العجينة ونذهن بين الطبقات بالزبذة حتت ننتهي من إعداد الجهة السفلية إستعملت 6 طبقات 

بواسطة عود أسنان أثقبي سطح العجينة هذه الخطوة مهمة جدا حتى لا تتطاير العجينة بعد وضعها في الفرن
أضيفي الحشو

ثم أعيدي نفس العملية طبقة بطبقة حتى تكملي
قطعيها
أنا موالفة نقطعها على شكل زهرة يعني إبتداءا من الوسط هاذا في العجينة المنزلية أما هذه العجينة فلا تتحمل الإنتظار لأنها تنشف بسرعة لهذا قطعتها هكذا

ثم إلى فرن ساخن لتتحمر ( لا تأخد وقت كبير لتنضج )
بعد خروجها من الفرن نسقيها بالعسل المضاف إليه ماء الزهر  شوي برك على جال النكهة وما لازمش يكون سخون على خاطر البقلاوة سخونة
لتكون النتيجة هكذا

الشيئ الجميل في هذه البقلاوة أنها مورقة
هذه هديتي ل dz pro على خاطر عرف حل اللغز
دوكا السنيوة راهي عندو إذا حب يمدلكم معاه حاجتو وإذا ما حبش بصحتو
صح فطوركم
سناء
 

ما نحبش تزعفو مني وعلى هذا نقدم طبق الفواكه هذا لكل زائر للصفحة حتى ولو ما يكتبش رد

بصحتكم
في أمان الله

يالله على الطباخة الرائعة الفنانة الموهووووبة...ماشاء الله دائما حاضرة في المناسبات،ربي يخليك لينا

سامت الايادي الاخت سناء

أهلا سعديتي نورتي الصفحة أسعدني مرورك وتعليقك  
منور جمال

مشكورة الاخت سناء
على المجهود في طريقة والتحضير والتصوير

وفي الاخير خرجت روعة لذيذة جدا

الله يسلمك برهومي
ردودكم تشجعني أكثر على تقديم الأحسن والأفضل إن شاء الله

DZPRO كتب:

شوفو دوكا بالعقل نفهمكم

(يا سناء علاه تكشفي فيا )

السنيوة ماهيش عندي لذا مكالاه تقولولي هات راها مزالت ما لحقتش يخي صح سناء

    

آه مازال ما لحقتش؟