السلام عليكم ورحمة الله وبركاته
كيف حال الجميع ؟ إن شاء الله تكونو كامل بخير وبصحة وعافية
اليوم سأقدم وصفة أخرى وهي الخبز الذي لا تخلو مائدتنا الرمضانية منه فرمضان = شوربة ومطلوع  وهذا الأخير معروف في جميع المناطق تقريبا وإن إختلفت التسمية فالمسمى واحد
خبزنا اليوم هو خبز الدار أو الكوشة هذه الوصفة التي تعلمتها من قناة samira  طبقتها وكانت رائعة والجميل أنها تنفع مع الشوربة أو الحليب يعني نضرب عصفورين بحجر واحد فطور وسحور
إليكم المكونات مع المقادير:
1 كلغ فرينة
4 بيض
نصف كأس زيت
2 ملعقة كبيرة خميرة فورية
2 ملعقة صغيرة ملح
1 ملعقة كبيرة سكر
وحليب حسب الحاجة
جلجلان وسينوج للتزيين
الطريقة:
أولا نخلط جميع النواشف مع بعض يعني فرينة وخميرة وملح وجلجلان وسينوج وسكر مع بعض

في قليل من الحليب نخلط البيض بواسطة شوكة ونضيفه للخليط لا تضيفي البيض على الخليط مباشرة حتى لا تكون هناك تكثلات في العجين
نعجن الخليط جيداوذلك بإضافة الحليب الدافئ مرة على مرة حتى نتحصل على عجينة طرية جدا وتلتصق باليد فكلما كانت العجينة طرية جدا كان الخبز هش وخفيف
ثم نقسم العجينة إلى نصفين لصنع خبزتين
نطرح العجينة بسمك 3 سم ونتركها تختمر حتى يتضاعف حجمها ( أعتذر عن عدم إلتقاط صور للخطوات السابقة)
ستختمر ويتضاعف حجمها ليصبح هكذا

بعد أن تختمر نذهن وجه الخبز بصفار البيض أو الحليب أنا إخترت الحليب وزينتها بالجلجلان والسينوج هكذا

ثم إلى فرن درجة حرارته متوسطة ليخرج بهذا الشكل


صورة أخرى

وأخيرة

صح فطوركم
سناء
 

يالللللله عليك يا فنانة،حمستيني باه نجربها...

الله يسلمك غاليتي هذا من ذوقك
جربيه وفرحي إبن عمك سعديتي 

اممممممممم كم أحبّ هذا الخبز   

الله ابارك سنونة تعرفي تطيبي انشاء الله البنات كامل يتعلمو كما انتي في هادا الزمان الرجال يوجدو صعوبة باش يجبرو فتاة تعرف تطيب

هادا النوع من الخبز لا يعجبني   

 

يا أهلا بالأستاذ إبراهيم أول مرة في مطبخ المنتدى وين راك يا سيدي خلينا نشوفوك ؟ ما تسقسي ؟ ما تقول واش خصكم؟ جاباتك ريحة الخبز وقيل؟ 
اتفضل أستاذ مد يدك بسم الله
يبارك فيك سليمان إن شاء الله يا رب رانا كامل نتعلموا ... علاش ما تحبش خبز الدار ؟ يخي موخد ما تعرفش تاكل
أهلا بالمحترف وهاذا حقك تاع السحور وراني هنا كي يخلص قولي نزيدك تستاهل أخي

موضوع مخبوز من طرف سناء
الف شكر على المجهود
+10
خبز الدار ممم شحال عندي مكليتوش

شكرا جزيل

الله يسلمك برهومي وألف شكر على التقييم
أهلا dzcoder العفو أخي نورت الصفحة

يسلموا اياديك الاخت سناء

الله يسلمك جمال
منور دائما