واش راكم مع رمضان
ان شاء الله تكونو بصحة و عافية
اليوم غالياتي جبتلكم عجينة حلتلي مشكل كبير
لانو منذ ان دخلت عالم الطبخ و انا عندي مشكل في عجينة البيتزا جربت و جربت و جربت الاف الطرق لكن والو
الى ان لقيت هادي الطريقة بالصدفة فاعتمدتها في جميع انواع المعجنات  لي نديرهم و النتيجة رووووووووووعة

المكونات
المرحلة الاولى
2 كيسان فرينة
4 مغارف كبار حليب غبرة
2 مغارف كبار خميرة الخبز
فنجان صغير سكر
و نعجن ب 2 كيسان ماء دافئ
نخلو الخليط السائل يرتاح لمدة عشر دقائق و هو مغطى
المرحلة الثانية
نأخذ مكونات المرحلة الاولى و نضيفولهم
نص كاس زيت زيتون و لي ميحبوش زيت عادي***انا ندير نص بالنص زيت زيتون مع زيت إليو***
الملح حسب الذوق
من 3 الى 4 كيسان فرينة حسب العجين
نلمو العجين و ندلكوه مليح باليد حوالي ربع ساعة حتى يصبح العجين قابل للاستعمال
من مزايا هاته العجينة ادا حبيتي تستعمليها مباشرة تصلح و ادا خليتيها ترتاح و تعاودي تحليها تاني تمدلك نتائج رائعة خصوصا لمحبي البيتزا القيقة و السوفلي
و ادا حبيتي بيتزا خشينة شوي حلي العجينة و حطيها في البلاطو و عمريها بالمكونات و غطيها بنايلون و خليها ترتاح ربع ساعة و الى الفرن
صدقوني نتائج رووووووووووووعة على ضمانتي
بالنسبة لطريقة التحضير فاترككم مع الصور

شكرا لك angel_osb
للعلم هذه العجينة تسمى  عجينة العشر دقائق

شكرا سناء على المعلومة
راني على بالي نسيت برك ما حطيتش اسمها

شكرا مليح
اين هو طبق اليوم؟؟؟

شكرا لك اختي العزيزة على هذه العجينة و ان شاء الله لما نجربها نردلك بالخبر