ابتسموا قليلا .... وتذكّروا الماضي : أسماء أنواع قديمة من القماش


- عفسة المناضل في الفرينة.

- حليلي وين نقعد.

- هبّ الريح في سطيف طاح الورق في سطارنو.

- شلاغم الشادلي.

- جميل وأسمر.

- طريق الموطو.

- محزمة الجندي.

- شعشبونة.

- اعطيلو الزلاميط.

- طرطاق ضروسو.

- البها والدفا.

.... من تذكّر اسما آخر فليكتبه في تعليق ....

هههههه أستاذ ما أجمل نكتك وما أروعها
أسماء القماش التي وضعتها جديدة بالنسبة لي أول مرة أسمعها
ولكن الأخير البها والدفا هذه الكلمة كانت تقولها والدتي رحمة الله عليها على أي شيء يعجبها ولا يعجبني فتقول لي يا سناء والله غير شباب بها ودفا يعني شابة ودافية لم أكن أعرف أنها إسم قماش
سأتصل بالأرشيف ( الخالة والعمة) لمعرفة بعض الأسماء

ههههههه و الله يا ناس زمان حتى في اسامي القماش تلقى فيهم العفوية و البساطة
اضافة الى ما قاله الاستاذ اليكم التالي
صباح الخير
ضي الشمس
مرحبا
عفسة الجن في الحمى و عيطة عزرين في السما
شبكوني
تبزاع السكر
الهواوي
غادي للجلفة
طريق الصحرا
طريق الصاروخ
خد بومدين
شلاغم بومدين
شفار الشادلي
حليل ما وين نقعد
الطويسة و بنتها
دالاس
صدام
مارادونا
الشنا و لالا

والله يا nourmasse
قتلتيني بالضحك حتى طاحو الدموع
أضحك الله سنك

ههههههههه بصحتك سناء الضحكة و الله انا ضحكت اكثر منك كي سمعتهم من الوالدة الله يحفظها و كاين انواااااااااااااااع اخرى راها ناسيتهم برك

هههههههههههه أسماء ملفتة للإنتباه ومثيرة للضحك والحقّ أنها تذكّرنا بالزمن الجميل ، أخبرني عمّي - والأمر غريب - أن التجار اليهود في فرنسا كانوا يعرفون أسماء هذا القماش ويجلبونه لبيعه للعرب ...

قاتلي عجوزتي كاين ثاني:
الڤاليزيار
كتان المهوتفة
زكونة
عبد الرؤوف
سياح السكر
و قالتلي كتان صباح الخير عبارة عن قماش ابيض ناصع عليه ورود قطيفة سوداء و مكتوب عليه صباح الخير باللون البني 

وحين اسأل"شيخي"عن باقي الأسماء سأوفيكم بها ان شاء الله
شكرًا جزيلا أستاذنا ابراهيم على الموضوع الشيق...

....hhhh ki sa9sit amani 9atli 3lihom o zadat jabdatli wahd les nom ...hata walit nabki ma dahk
ana walah rani out wach rakou

saadia كتب:

قاتلي عجوزتي كاين ثاني:
الڤاليزيار
كتان المهوتفة
زكونة
عبد الرؤوف
سياح السكر
و قالتلي كتان صباح الخير عبارة عن قماش ابيض ناصع عليه ورود قطيفة سوداء و مكتوب عليه صباح الخير باللون البني 

وحين اسأل"شيخي"عن باقي الأسماء سأوفيكم بها ان شاء الله
شكرًا جزيلا أستاذنا ابراهيم على الموضوع الشيق...

ههههه
عبد الرؤوف .....قوليلي سعدية كيفاش داير هاد القماش ؟

ههههههههههههههههههههههههههههههه

بعد الإتصال بالخالة قالت:
صب الرشراش
جانيثو
الشابة يمينة
السكر
الموجة
شاشية السلطان

هههههههههههههههههه ، هل من مزيد ؟

أسماء أخرى مثيرة للضحك : ضلمزني _شلولانة _ جنيتو _ شبكوني _عين الكحلة فالرّحلة _سوسدي مريكان _ الموس _برانكاش فالباسكولي _ قمح الدّوْك _كتان عزوج شدي فمك خلي مرت بنك تتكلم _ زهو الليل _ حرير البنان _عينيك يا عينيك _ محبَّبْ _القطيفة المحفره _القطيفة المبَّرجة _ كتان الكيلو _ شحيمة_ نوار الجرتيل_فروج طالع للسماء بلا دروج - كلمني وانكلمك بالتيليفون - شوارب مناعي ........ 

طاهري إبراهيم كتب:

__كتان عزوج شدي فمك خلي مرت بنك تتكلم _فروج طالع للسماء بلا دروج

           

اسماء غريبة ومضحكة فعلا ههههههه