مول الحق ومول الباطل

هادي مهدي يالك يا مختار خونا ماكش حبيبنا وفي خاطرك بيك بجماعتك والله يسڤم لك ليام مع ربي ومع العبد ان شا الله

شا بدلالي مين هاذ الوقت تبدل ** هاذ الدنيا الجايحة لعبت بينا
درناها بايدينا وما لقيناش الحل ** والشيخ راه مسكين رزقه مشرتل

شوف الفلاح راه في السوق يكيل ** ساكن في LA CNAPعارق في الكرية

لي كان غني راه ضروك متهيكل** وانقلبت ليام كي عرض ازيا
ما تصيبش درويش في دار يجلل** نص الخلقة كع ولا جهلية

ما باقيش الخير لا مين يجمل ** وما لقيناش الرجال حتى للشريا

يا ربي ما راك نوضوك ما راك بعيد نلاغوك راك حاضر وتشوف
هاو سڤم هاذ البلاد اللي فيها الجوامع والشرف والكرم

شوف خو في خو راه صبح يقتل** وتهدمت خيام كانت مبنية
واحد باصا وواحد راح رحل** وواحد راح غير باطل ضحية

وواحد دفنوه ولا يتغسل ** وواحد راح باطل ضحية

والمسكين على الهنا راه يسول** وصاب غير الهم في الحية
والقفوزية راه بدلها بذل ** واللي خسر البلاد حرب اهلية

ومول الحق مسكين راه لابس بو منتل ** وقصارت عبايته كي الجيلية
وشوف مول الباطل راه لابس ومعدل ** ومقبب عمامتة التوتية

يعيا الباطل يبطل ويجي الحق فوقه
شوف مين كذبنا في رجال الله الصالحين كي صرالنا
الله يرحم رجال الله الصالحين
راه قريب الحق يقلع بو منتل ** ويريح لي محانه قوية
ولا القباني يرحم ويحلل ** والعلاما خايفين من هاد الحية

راهي غير تزيد ماهيش تستهل ** ما يبلع ربي حتى يحل 100 مية

هادي في خاطر ناس سيدي براهيم
والله يرحم الشعراء اللي ماتو
ها شوف مختار خويا شوف

hadjtissage كتب:: هادي في خاطر ناس سيدي براهيم
والله يرحم الشعراء اللي ماتو
ها شوف مختار خويا شوف

يعطيك الصحة خويا لك مني ألف تحية

شكرا خويا ...يعطيك الصحة ...مليحة بصح صعبتلي شوية في القراءة نتاعها كي تبدلت اللهجة ...وليت نتبع بالحرف هههههههه

كي تبدلت اللهجة ؟؟؟؟؟؟؟؟؟
ونا لهجة يتحدث بها يا أخي

شكرا لك اخي الحاج كلمات تعبر عن الواقع بنفسه

مول الحق ومول الباطل

مول الحق ومول الباطل

المواضـــــــيع المشابــــــهه