تذكير بمساهمة فاتح الموضوع :


أسعد الله صباحكم .و مساءكم... وكل اوقاتكم.... 


نظرا لكثرة النجوم في سماء منتدانا احييكم جميعا 

واعرف انكم احلى وابهى من النجوم

انا اليوم جئتكم بشيء جديد جدا عليكم
لو احنا ساكنين في بيت واحد واش رايح يصير برأيكم؟؟

وش راح تكون مواقفنا مع بعض في البيت

اللعبه تعتمد على مداخلاتكم معيوهذي

المداخلات تعبر عن شخصياتكم

مدى قوة تعابيركم
وانا اول واحدة رايحة نبدا
🌺🌺🌺🌺🌺🌺🌺🌺🌺🌺🌺
شوفو من بدايتها انا ما احب احد يعبث بأغراضي ولا يدخل غرفتي بدون استئذان
وبعدين ما تقعدوش تتأمروا علي روحي جيبي  الغدا..روحي جيبيلي الماء..روحي..
احترموني انا اختكم الكبيرة 
هههههههههه
أياّخلونا نتخيلوا..

Ah oui
صار راك هكذا 
ماعليهش
حاڤا يروحو الضيف
عس روحك من بعد نتفاهم معاك

من زهرك جيت حنينة و مايهونش عليا نخليك بلا عشا
ايا روح انت اغسل يديك بين ما نروح انا نوجدلك عشاك

ايا هاك عشاك


وتصبح على خير 
نروح نرقد ضرك

saadia كتب:

Ah oui
صار راك هكذا 
ماعليهش
حاڤا يروحو الضيف
عس روحك من بعد نتفاهم معاك

اه ما درت والو انا

 هو ما رجعليش لصرف

(يا جماعة قتلكم ما تبيعونيش)

عماد وين راك،من الصباح وأنا نوّض فيك وانت هاذاوين راقد،راه المغرب نوض
وعندك حق،لي يطول برا مايعولش باه نوض نسخنلو لعشاء
الله يسهل

يا سي Djonly,نسيت بلي سناء تزوجت؟؟؟؟؟
راها عند بيت شيخها ضركا،الحاصول انا مازلت زعفانة منك يا الباندي
مانزيدش ڤاع ننوضك،نوّضتك و ندّمت
:(

آه صار هكذا
المرة الجاية صبّح علينا و بعديها اخرج هكذاك باه مانتقلقوش عليك
كشما خصك قولي قبل مانفتح الميكرو و ندخل للsite تاع dzosb,عارفة روحي اذا دخلت مانخرجش

أواه مازال الحال على الرقاد 
انا ديجا نسهر ساعات حتى لل 2:00
يعني ماتحيرش روحك مازلت قاعدة

هاهو المذكر اللي تحوس عليه

ارواح تفطر انت برك

الله على الموضوع الرائع مشكورة سعدية
سأقرأ ردود الآخرين لكي أستطيع الإنسجام معكم
سأكون على طبيعتي مثلما أتصرف مع إخوتي في البيت

DJONLY كتب:

ههههه

هاني جيت جماعة
سناء
ماذا بيا تجيبيلي كرسي نريح راني عيان بزاف

وقولي لسعدية تحطلي الفطوووور راني جوعان

وانت يا برهومي اعدل الشات فيسع

ويا عماد ونبيل وباقي الأعضاء لي يلحق الأول يلعبلي ماتش

ههههههههههههههه

نحي الصباط قدام الباب بركا ما تعفس هذا وين كملت التسياق
تجي غير وقت الماكلة وين كنت من الصباح ؟ نزيد نجيبلك كرسي هذاك واش خص هيا طير تشوف روح جيب الخبز ومن بعد أحكي على الماكلة من الصباح وأنا نعيطلك  في الثيليفون وانت ما تردش روح مالا زيد اخرج كي لفحل جيب الخبز وما تطمعش في الصرف راهو قد قد ... أنا ماشي سعدية كل دورة بعشرالاف 
برهومي ما كاشو أعطيتوالدراهم يفليكسيلي مافليكسا ما جا يا درا وين راح؟ حتى الفطور ما فطرش خرج مزروب دائما مزروب @barhomi
ازرب روح جيب الخبز خلينا نفطرو

اهلا اهلا
نورت الدار بالقمر نتاعنا
سناء الغالية
الدار فرقت و صماطت بلا بيك
والحمد الله اليوم راكي معانا
راكي بردتيلي قلبي في @djonly

saadia كتب:

مانجيبش الفطور
قلتلكم بركات هبلتوني ب جيبي ديري واسي

والو انسى

انت غير تهدري سعدية قلتلك ما توالفيهش
خليه يجي وقت الفطور نفطرو كامل مع بعض لي يتوخر ما كانش نغلق الكوزينة نهار كامل واحنا في الكوزينة ارحمونا شوي
كل دقيقة طبسي وين جاه ياكل نهار كامل يخدم فينا 
وزيدي أعطيه المصروف والله نقول لبابا 
لقراية 0 والهدرة والماكلة والجال هو الأول

DJONLY كتب:

لحد الساعة مكانش لي يغلبني في بياس 13 من المنتدى ههههه

هاداك فاش فالح 
روح ارفد القفة على بابا راهو جاي احبط لتحت وتلاقاه ماشي حتى يطلع ل5 إيثاج تلعبها هذاك وين خرجت

DJONLY كتب:

ايا معليش سمي البلاسة وقول الوقت ونشوفو هههههههههه

يا بابا اشحال تهدر قلتلك روح ارفد القفة على بابا راهو طالع في الدروج