يسعدني أن أكون أول مشاركة في هذه المساحة الرائعة إن شاء الله
كل خنفوس في عين يماه غزال

و أنا متشرفة جدا و متفائلة لأنك أول من استفتح هذه الصفحة...سعدت بالمشاركة و أنتضر منك المزيد من الأمثال غاليتي سناء 

مشاركة أخرى لعيون الغالية سعدية
اللسان الحلو يرضع اللبة
واللبة بالشدة على الباء تعني أنثى الأسد(اللبؤة)

رااااااائعة و الله،أنت و ما قدمتيه غاليتي،المثالين الماضييين متداولَيْن  عندنا أيضاً ....أشكركي سناء

نريد أمثالا يا جماعة الخير...هياا أتحفونا بما في جعبتكم

كان حي مشتاق تمرة وكي مات علقولوا عرجون.

 رائع جمال و شكراا على المشاركة...أين الجميع؟؟

*إذا حلفوا فيك الرجال بات راقد وإذا حلفوا فيك النسا بات قاعد.......ههههه

شكرنا موسى الفلاح حرث الجبانة( المقبرة)

سنااء...أظن انه يجب أن تشرحي لنا المثل...لم افهمه بصراحة

المعنى يا صديقتي
مثلا تشكرين أحدا ما على عمل يقوم  به فتكون ردة فعله مبالغ فيها حتى انه يفسد عمله
مثل ماهو الحال مع موسى هو فلاح يجيد الحرث ومن شدة إعجاب الناس بحرثه قام بحرث المقبرة وهذا طبعا حرث مبالغ فيه
مثلا سعدية تكوني تغسلي في حيط تجي حماتك الله يخليها تقولك اشحال شاطرة الكنة ديالي وانت من الفرحة تغسلي الحيط حتى تقلعي الصبيغة ههههه
فهمتيني؟؟؟

ههههههههههههههههه...آه منك شحال مافيا...هذا لي جا يكحلها عماها...شكرا سناءتي...ضحكتيني و أبهجتيني واللهِ -بِكسر الهاااااااء- هههههه و شكرًا على الشرح الجميل

العايبة تحوس البلدان و العورة تخيط الكتان والطرشة تجيب لخبر منين كان



ههههههههههههههه

هادو ڤاع في المرا....يا لطيييييييييف 

هههههههههه هدا مجرد مثل   ههههههههههه

هههههههههههههه...كاين لي يصدقوه و كاين نسا هكذا

يقول المثل عجوزة وشدت خاين أو سارق

طمينة في ظهر عجوزة
يضرب هذا المثل في شخص يلعبها نية وغبي وما علابالو بواااااااالو كيما العجوزة لي تلعبها ما علابالها بوالو لدرجة الطمينة لاصقة في ظهرها وما هيش فايقة
وأكيد هي علابالها  

هذا المثل يشبه للمثل تاعنا لي يقول:دير روحك مهبول،تشبع كسور(جمع كسرة ولي هي المطلوع)...ههههههههه،شكرًا سناء غاليتي،مثل جديد و رائع

saadia كتب:

هذا المثل يشبه للمثل تاعنا لي يقول:دير روحك مهبول،تشبع كسور(جمع كسرة ولي هي المطلوع)...ههههههههه،شكرًا سناء غاليتي،مثل جديد و رائع

العفو سعديتي
احنا ثاني نقولوه دير روحك مهبول تشبع كسور

الدنيا يا شاري دالة.....

الدنيا دالات والآخرة فعايل