السلام عليكم ورحمة الله وبركاته
كيف حالكم جميعا إن شاء الله تكونو كامل بخير
اليوم أحببت المشاركة بهذا الموضوع





عيد الأضحى المبارك

جعله الله عيدا مباركا سعيدا وينعاد عليكم وعلينا بالصحة والهناء إن شاء الله
وبما أن المناسبة إقتربت ولم يبق إلا أيام قلائل أحببت أن نفتح هذه الصفحة نحكي من خلالها وندردش ونقرعج هههه عن إستعداداتكم لهذه المناسبة وعادات العيد في منطقتكم
كيف يمر يوم العيد عندكم؟
من المسؤول عن شراء الأضحية؟
دورك أنت في هذا اليوم (ذبح سلخ تنظيف ولا غير أكل فقط ههههه)
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
المواقف الجميلة التي حدثت لك في هذه المناسبة سابقا (الأعياد السابقة)؟
كيف تتبادلون التهاني بينكم وبين الأهل والأصدقاء؟
هيا احكي لنا وبالتفصيل وانقل لنا جو العيد عندكم
في انتظاركم
سناء

كيف يمر يوم العيد عندكم؟
يمر عملا دؤوبا للذبح و السلخ و تنظيف الاحشاء
من المسؤول عن شراء الأضحية؟
رئيس الجمهورية "جدي حفظه الله و رعاه"
دورك أنت في هذا اليوم (ذبح سلخ تنظيف ولا غير أكل فقط ههههه)
السلخ 
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
كل ما يتعلق باللحم
المواقف الجميلة التي حدثت لك في هذه المناسبة سابقا (الأعياد السابقة)؟
لاعيد بلا ذكريات جميلة و لذلك لا يمكنني حصرها
كيف تتبادلون التهاني بينكم وبين الأهل والأصدقاء؟
عادة لا نتبادلها بالنت او الهاتف بل بتبادل الزيارات

bibo كتب:

كيف يمر يوم العيد عندكم؟
يمر عملا دؤوبا للذبح و السلخ و تنظيف الاحشاء
من المسؤول عن شراء الأضحية؟
رئيس الجمهورية "جدي حفظه الله و رعاه"
دورك أنت في هذا اليوم (ذبح سلخ تنظيف ولا غير أكل فقط ههههه)
السلخ 
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
كل ما يتعلق باللحم
المواقف الجميلة التي حدثت لك في هذه المناسبة سابقا (الأعياد السابقة)؟
لاعيد بلا ذكريات جميلة و لذلك لا يمكنني حصرها
كيف تتبادلون التهاني بينكم وبين الأهل والأصدقاء؟
عادة لا نتبادلها بالنت او الهاتف بل بتبادل الزيارات

شكرا على تفاعلك الجميل bibo وربي يطول في عمر جدك الكريم
تمنيت لو أنك تكلمت عن الأطباق بإطناب ( عن مسمياتها مثلا وأي الأطباق تفضل وووو
يااااااه يا bibo مواقف جميلة لا حصر لها ولم تذكر لنا ولا موقف تكلم أخي خلينا نستمتعو معاك فالغاية من الموضوع الترفيه والترويح عن النفس
نورت الموضوع أخي

كيف يمر يوم العيد عندكم؟
عندنا لا يمر بل نقبض ونفرح به فرحا شديدا لانه يوم لا يتكرر الا مرة واحدة في السنة العيد الكبير
من المسؤول عن شراء الأضحية؟
المسؤول هو الجميع انا واخي والوالد
دورك أنت في هذا اليوم (ذبح سلخ تنظيف ولا غير أكل فقط ههههه)
دوري ههه نشد الاضحية نحكي معاها قدام لا يذبحها اخي ثم اكل الكبدة و ههههه فقط
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
اطباقنا لهذا اليوم المشوي والمقلي والبربوشة ...الخههه كل يوم كما هاك
المواقف الجميلة التي حدثت لك في هذه المناسبة سابقا (الأعياد السابقة)؟
الموقف الجميل ممممم كلها جميلة لااتذكر موقف مميز
كيف تتبادلون التهاني بينكم وبين الأهل والأصدقاء؟
في اليوم الاول الاصدقاء والاقارب المقربون لي في السكن واليوم الثاني اصدقاء العمل والاقارب البعيد عنا

وشكراا ننتظر رد الجميع

هههه سليم ضحكتني صح
عجبتني تشد الأضحية تحكي معاها فووووووووووور هادي زعما واش تقولها سليم ؟هههه   
وبصحتك الكبدة
وربي يدوم أيام الفرح عندكم وربي يطول في عمر الوالد الكريم
نورت الصفحة سليم
أما البقية مانيش عارفة علاش ما يشاركوش
زعما ما يعيدوش ؟ ولا الموضوع تافه ؟هذا هوالتفسير
عييت نفهم

كيف يمر يوم العيد عندكم؟
يوم العيد يوم فرح وسرور
من المسؤول عن شراء الأضحية؟
سابقا والدي رحمه الله هاد العام مانيش عارفة أعتقد الأخ الأكبر
دورك أنت في هذا اليوم (ذبح سلخ تنظيف ولا غير أكل فقط ههههه)
يبداو يمشورو فيا رايحة جاية جاية رايحة هاتي وجيبي وأكيد تنظيف الأمعاء وأحب كثيرا نشوط بوزلوف
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
نحكي على العائلة على خاطر أنا عندي طبق خاص لأنني لا آكل أي شيء من كبش العيد لا لحم ولا أحشاء علابالي دوك تقولو موخدة أنا أفضل ( البقري) اللحم فقط ولازم مشوي وخالي من الشحم ولا أحب اللحم المطبوخ ولا كبد ولا أي شيء آخر
العائلة طبعا مشاوي العيد من ملفوف ووو وعصبان وكسكسي ووو والله ما يخليو حاجة ياكلو كلشي كون جا الجلد يتكل ياكلوه وخاصة أخي الأصغر
المواقف الجميلة التي حدثت لك في هذه المناسبة سابقا (الأعياد السابقة)؟
مواقف جميلة أتذكر موقف العام الماضي

لدي 3 إخوة ذكور ربي يحفظهم أبي هو من يتولى الذبح والأخوين ( ع الغني وع الرحمن) مهمة السلخ وووو أما أخي الأصغر ع الرؤوف مهمتة الأكل وفقط رغم أن سنه الآن 23 سنة ومع ذلك ما يدير والو العام الماضي لم يكن ع الرحمن حاضرا معنا بحكم ظروف عمله المهم قرر الأخ الأكبر أن يساعده الأصغر في السلخ ودار بيننا نحن الثلاتة هادا الحوار.
ع الغني . يا عبد الرؤوف غدوا إن شاء الله لازم تعاوني علابالك بابا مريض وأنا مانقدرش وحدي
سناء. علاه واش يعرف يدير غير الماكلة خلي نعاونك انا خير ههههه

ع الرؤوف .اسكتي انتي كيفاش ما نعرفش نعرف كلشي غير أنا ما نحبش نوري علابالي فيكم تطمعو فيا هاد اليدين فيهم البركة وفي دقيقة نسلخ الكبش وماشي بعيد نصيبو كبدتين 02 وحدة بونيس على خاطر أنا مربوح
سناء. نشوفوك واش دير يا المربوح
صبيحة العيد جهزو كل شيئ تم ذبح الأضحية سناء في المطبخ تقشر بطاطا وجا المربوح هههه واش ديري بطاطا وهاداك واش طن ههه يخي وجه فقر يخي

كاش واحد يتغذى بالطون نهار العيد والله الفقر ما يظلم( وجه فقر)
سناء . روح عافني كل واحد واش يحب ياكل
تم السلخ سناء تجهز الطابونة باش تشوط

الرأس والكرعين 1 و2 و 3 أين الرابع
سألت سناء

عبد الغاني 3 برك وين راه الرابع؟
عبد الغني. واشنو 3 هاداك هو

سناء. واشنو هاداك هو تقعد بيا كبش ب3 كرعين وين صرات هادي ؟ ومن بعد فطن إيه صح أنا حسبت الراس  
حوسنا على الكرع الرابع ريحتو ما كانش وين راه سبحان الله ...عبد الرؤوف بهدلتو بينا تحوسو على كرع ... سناء لي يسمعك يقول صح ما تاكلش هه  .. عبد الرؤوف الصح راهو الداخل الكبدة بصح انت وين تعرفي كولي الطن واسكتي علينا ديجا غير بعدي وما تقعديش معانا في الطابلة هكدا نستمتعو بريحة الكبدة ماشي الطن ههههه ولا واش قال عبد الغني ... سناء أسكت علينا واخدم خدمتك راني نشوف فيك تقطع ماشي تسلخ بالشوية على الكبش
تم فتح بطن الأضحية والمفاجئه بونييييييييييس سبحان الله والله يا خويا العزيز مربوح صح ههههه الكبدة والرئة فيها كيس مائي هههه والله فسخت ضحك وما قدرتش نحبس وفي الغذاء سناء تستمتع بالبطاطا والطن وتقول لعبد الغني والله يا خويا غير تشفو كون غير شريتلكم معايا الطون بصح أنا وجه فقر وانتم لالا وكاين شي ناس معانا وجه نحس طبعا أقصد عبد الرؤوف .... وجبناها من وراه نهار كامل في كل دورة يسمع بونييييييييييس المربوح هههههه
كيف تتبادلون التهاني بينكم وبين الأهل والأصدقاء؟
عن طريق الزيارة

أما الأهل البعاد في ولايات أخرى عن طريق الهاتف

موالف  نخليهم ونهرب

هههههههههههههههه 
                        يالله ما أروعكم
                  الله يخليكم.......حبيبتي سناء و الجميع

ارنوب كتب:

السلام عليكم ورحمة الله تعالى وبركته

احنى عائلة كبيرة جدا نعيش في بيتن واحد  تغمره السعادة والافراح


كنشفهوم قادرين عليه


موالف  نخليهم ونهرب  هههههههههههه

وعليكم السلام ورحمة الله وبركاته
ههههههههه أرنوب والله غير فكترني في التعبير الكتابي نحن عائلة كبيرة تعيش في بيت تغمره السعادة والأفراح هههه ما تزعفش مني والله غير نضحك برك ولي في قلبي على لساني
الله يدوم المحبة والسعادة في العائلة يا رب
بصح انت والله ما نتكلو عليك باين خايب كيما خويا عبد الرؤوف تعرف غير تاكل
شكرا لمرورك الجميل أرنوب

karima setif كتب:

هههههههههههههههه 
                        يالله ما أروعكم
                  الله يخليكم.......حبيبتي سناء و الجميع

الله يسلمك سلمى
كلي شوق لمعرفة جو العيد عندكم فلا تحرمينا

أهلا نبيل نورت الموضوع أخي
 يا راااااااااااااجل قول كلام غير ذا (ذباااااااااااح يا نبيل)
على بيها الكبش تاع الجيران هرب
انت صح نتكلو عليك (ذبح سلخ وتنظيف وأكيد أكل شوف يا أرنوب واتعلم)
منور نبيل

كيف يمر يوم العيد عندكم؟
قريبا soon
من المسؤول عن شراء الأضحية؟
قريبا soon
دورك أنت في هذا اليوم (ذبح سلخ تنظيف ولا غير أكل فقط ههههه)
قريبا soon
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
قريبا soon
المواقف الجميلة التي حدثت لك في هذه المناسبة سابقا (الأعياد السابقة)؟
قريبا soon
كيف تتبادلون التهاني بينكم وبين الأهل والأصدقاء؟
قريبا soon

كيف يمر العيد عندنا 
                          رائع
                        من المسؤؤل عن شراء الاضحية 
                           بابا حفظه الله 
                          دورك أنت في هذا اليوم (ذبح سلخ تنظيف ولا غير أكل فقط ههههه)
                                     مسك ااضحية لاخي حتى يسلخها و الذهاب و المجيء بين هذا و ذاك هاتي هنا هاتي لهيه 

أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة )
                                         بوزلوف اكيد +المشوي 
المواقف الجميلة التي حدثت لك في هذه المناسبة سابقا (الأعياد السابقة)
 نحن نذبح كل عام كبشين واحد لاخي الاكبر و الاخر لنا المهم أنا أنصم لاخي وأساعده في السلخ كي نسبق بابا و أخي الاصغر ههههههه لان بابا ثقيل ههههههههههه بينما ستسرق النظرات كل واحد وين راه شكون الاول  والله جو رائع حتى أن أخي الاصغر يديها غير ضحك و مرة كاد كبشي أنا و اخي الاكبر يسقط و هو معلق لانني ضحكت بشدة و تركت يدي هههههههه المزية اسرعوا اليه .......
          كيف تتبادلون التهاني
      الزيارة + الهاتف 

barhomi كتب:

كيف يمر يوم العيد عندكم؟
قريبا soon
من المسؤول عن شراء الأضحية؟
قريبا soon
دورك أنت في هذا اليوم (ذبح سلخ تنظيف ولا غير أكل فقط ههههه)
قريبا soon
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
قريبا soon
المواقف الجميلة التي حدثت لك في هذه المناسبة سابقا (الأعياد السابقة)؟
قريبا soon
كيف تتبادلون التهاني بينكم وبين الأهل والأصدقاء؟
قريبا soon

نحكيلكم لكن بعد العيد

إن شاء الله برهومي

karima setif كتب:

كيف يمر العيد عندنا 
                          رائع
                        من المسؤؤل عن شراء الاضحية 
                           بابا حفظه الله 
                          دورك أنت في هذا اليوم (ذبح سلخ تنظيف ولا غير أكل فقط ههههه)
                                     مسك ااضحية لاخي حتى يسلخها و الذهاب و المجيء بين هذا و ذاك هاتي هنا هاتي لهيه 

أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة )
                                         بوزلوف اكيد +المشوي 
المواقف الجميلة التي حدثت لك في هذه المناسبة سابقا (الأعياد السابقة)
 نحن نذبح كل عام كبشين واحد لاخي الاكبر و الاخر لنا المهم أنا أنصم لاخي وأساعده في السلخ كي نسبق بابا و أخي الاصغر ههههههه لان بابا ثقيل ههههههههههه بينما ستسرق النظرات كل واحد وين راه شكون الاول  والله جو رائع حتى أن أخي الاصغر يديها غير ضحك و مرة كاد كبشي أنا و اخي الاكبر يسقط و هو معلق لانني ضحكت بشدة و تركت يدي هههههههه المزية اسرعوا اليه .......
          كيف تتبادلون التهاني
      الزيارة + الهاتف 

نورتي الموضوع سلمى
عجبتني تتسابقو
ربي يسعدكم سلمى

كيف يمر العيد عندكم*** يمر العيد عندنا كسائر اعياد المسلمين بالفرح والسرور
من المسؤول عن شراء الاضحية *** انا    الحاج متولي
دوري انا؟ تاذبح و سلخ
اطباق في اليوم العيد طبعا الكبدة المقلي كيما نقولو و اليوم الموالي الكسكس امممممممم ما اروع الكسكس  ههههه
ونقولكم في الاخير عيدكم مبارك وكل عام وانتم بألف خير

الحاج متولي كتب:

كيف يمر العيد عندكم*** يمر العيد عندنا كسائر اعياد المسلمين بالفرح والسرور
من المسؤول عن شراء الاضحية *** انا    الحاج متولي
دوري انا؟ تاذبح و سلخ
اطباق في اليوم العيد طبعا الكبدة المقلي كيما نقولو و اليوم الموالي الكسكس امممممممم ما اروع الكسكس  ههههه
ونقولكم في الاخير عيدكم مبارك وكل عام وانتم بألف خير

والله يا الحاج راك ثوث أوبسيون ههههه تشري تذبح تسلخ ماشاء الله
صح عيدك وكل عام وأنت بخير

برهومي وين راك؟
العيد كمل وكليت اللحم رانا نستناو في الحكاية

أمّا عنّي فأشتري أضحيّتي بنفسي ، ويقوم الوالد والأخ الأصغر بمعظم الأعمال هذا اليوم سوى أمرين اثنين : الشياخة والماكلة ، هذو زوج من اختصاصي ، بالنّسبة للتهاني أنا أحبّ كثيرا صلة الأرحام وأحافظ عليها بانتظام وصرامة والعائلة الكبرى محافظة بقدر كبير على التزاور وخاصّة في هذا اليوم المبارك ، وهي موزّعة على عدّة مناطق ، ولذلك قد لا تكفي أيّام العيد الثلاثة لزيارة كلّ الأقارب والأحباب ، وبالنذسبة لعاداتنا : تقدّم العائلات الكريمة طبق الشخشوخة باللحم في شكل جماعي ( الرّجال) ، بحيث تُقام ما يشبه " المنافسة بين الشخاشيخ " او ما أسمّيه " مهرجان الشخاشيخ " ، وتُستَغلّ هذه المناسبة للإجتماع على الطّعام وتبادل أطراف الحديث الممتع والطُّرَف بضمّ الطاء ( موش الطرّف انتاع اللحم ) ، وكذا للتذوّق من أطباق الجيران والأهل ، والأهمّ هو تقاطر الفقراء والمحتاجين على هذا المجلس المبارك كي يحصلوا على نصيبهم من الأضاحي ....

طاهري إبراهيم كتب:

أمّا عنّي فأشتري أضحيّتي بنفسي ، ويقوم الوالد والأخ الأصغر بمعظم الأعمال هذا اليوم سوى أمرين اثنين : الشياخة والماكلة ، هذو زوج من اختصاصي ، بالنّسبة للتهاني أنا أحبّ كثيرا صلة الأرحام وأحافظ عليها بانتظام وصرامة والعائلة الكبرى محافظة بقدر كبير على التزاور وخاصّة في هذا اليوم المبارك ، وهي موزّعة على عدّة مناطق ، ولذلك قد لا تكفي أيّام العيد الثلاثة لزيارة كلّ الأقارب والأحباب ، وبالنذسبة لعاداتنا : تقدّم العائلات الكريمة طبق الشخشوخة باللحم في شكل جماعي ( الرّجال) ، بحيث تُقام ما يشبه " المنافسة بين الشخاشيخ " او ما أسمّيه " مهرجان الشخاشيخ " ، وتُستَغلّ هذه المناسبة للإجتماع على الطّعام وتبادل أطراف الحديث الممتع والطُّرَف بضمّ الطاء ( موش الطرّف انتاع اللحم ) ، وكذا للتذوّق من أطباق الجيران والأهل ، والأهمّ هو تقاطر الفقراء والمحتاجين على هذا المجلس المبارك كي يحصلوا على نصيبهم من الأضاحي ....

ههههههههه أستاذ إبراهيم حسبت عندك غير تخصصين وها أنت تفاجئنا بالتخصص الثالت ( الشياخة والماكلة)
بصحتك التخصص وأتمنى إضافة تخصص الذبح والسلخ ماشي الشيخ باباك يذبح ويسلخ وانت غير تاكل
ربي يدوم لمتكم وشياختكم وشخشوختكم وربي يطول في عمر الوالد الكريم

رفعت الموضوع من جديد لأن العيد على الأبواب وأريد معرفة جو العيد عند بعض الأعضاء الذين لم يشاركو معنا في هذه الصفحة العام الماضي
الأعضاء هم:
سعدية
عماد
حسين
dzgangasta
dz pro
وأي عضو جديد يحب يشارك يتفضل
عمي المدير جبت بنا عام كامل واحنا نستناو وين راك ماشي قلت بعد العيد نحكي؟ فات العيد وراهو جاي عيد إن شاء الله وانت ماكانش

كيف يمر يوم العيد عندكم؟
يمر العيد عندنا ككل عام في اجواء روحانية و سعادة و الحمد لله،اول شيء نصبح مع الميناج و تحضير غرف استقبال الضيوف
من المسؤول عن شراء الأضحية؟
كان الوالد رحمة الله عليه هو المسؤول و الآن اخي الاكبر حفظه الله
دورك أنت في هذا اليوم (ذبح سلخ تنظيف ولا غير أكل فقط ههههه)
ذبح 🐏..🐑ههههه..تنظيف و طبخ ثم الاكل على بركة الله
أطباقكم لهذا اليوم والأيام الموالية (أكيد كل منطقة عندها أطباق خاصة بالمناسبة)
في الغداء نقوم بطبخ الدوارة(الاحشاء) و مساءا الحم المقلي و في السهرة نقوم بالشواء طبعا و الذي هو بالنسبة لي افضل جزء في عيد الاضحى
المواقف الجميلة التي حدثت لك في هذه المناسبة سابقا (الأعياد السابقة)؟
في هذه المناسبة كل شيء جميل في الحقيقة و لكن ليس هناك شيء محدد
كيف تتبادلون التهاني بينكم و بين الاهل و الاصدقاء؟
انا افضل الزيارة الفعلية للاهل و الاحباب قدر المستطاع و في الاخير اشكرك غاليتي سناء على الموضوع الرائع