نبض الشوارع
يا قصيدي طال ليلك بالصدود و بالعناد
والقـضيـة ما تحـمّـل لا عنــاد و لا صــدود

هات راسك وِدّي أكتب و الحبر دمّ الفؤاد
في زمان الذلّ جيتك والصبر جـاء له حدود

انكشف وجه الحقيقة وابتدأ العلم الوِكَاد
والشواهد للمشاهد ما تبي قـول الشهــود

يا عرب شفتوا جنين الغارقة وسط النفاد
يا عرب شفتوا و شفتوا عربدت جند اليهود

الضحايا بالشوارع حرّكت حتى الجماد
مسجيـاتٍ فـوق الأرض بلا قبـور ولا لحـــود

اليهود الله عليهم بالصباح و بالهَجَاد
نطلب الله بالركـوع وندعي الله في السجـود

ينتقم للشعب الأعزل من يدين الاضطهاد
وينزل الله فوقهـم ما أنزل على عاد وثمود

استباحونا وعاثوا في حرَمنا بالفساد
مـا لقـوا فينـا رجـالٍ تردع الظـلـم وتــذود

يقتلون الشيخ الأعزل و الطفل وسط المهاد
والبلابـل و الحمـايـم و البراعـم و الــورود

بين صرخات الثكالى و اليتامى يا العباد
ما جحدنـا إلا العميل ولا عملنـا إلا الجحـود

تستغيث القدس فينا نستمع للسندباد
تشتعل نيران الأقصى ما احترق فينا جمود

يبكي الطفل بحرارة نضحك لرقصة سعاد
تصرخ الأم بمـرارة ننتظـر طـلّـة عـهــــود

مرحلة ذلّ وهوان ما حصل من عصر عاد
بالفعل نمشي نـزول وغيرنا يمشي صعـود

ما تبعنا ابن الوليد ولا اتبعنا بن زياد
ولا احتذينا في صلاح ولا صنـاديـد الجــدود

الزحول اللي تجاهد سيفها ما له غماد
من كثر ما يطعنون ومجدهم يرقى سنود

ما ثنى إلا عصبة التوحيد وحماة البلاد
ناطـحين المـوت الأحمر بالنواصي والكبـود

باعوا أنفسهم على الله يوم جرح الظلم زاد
لأجل الأرض ودون عِرض مجنّدينٍ كالفهود

بالجسارة و الحجارة لا سلاح ولا عتاد
باليدين يقاومـون سلاحهم بعـض الحيـود

يا الرجال الصامدين اللي تذودون السهاد
والعرب و المسلمـين بسابـعٍ نـومـه رقـــود

أعذرونا لا بغينا نجمع الصفّ اتحاد
ما خلصنـا من عميل ولا سلمنا من حقـود

نشبه اغثى السيل لا من سال في وقت الحصاد
واجـد التعـداد لكـن بالفعل مـا به وجــود

يا فلسطين الحبيبة ما لنا غير الحداد
والعباير في الحنـاجر والدمع فـوق الخـدود

الصراحة و الحقيقة يوم ركب الهمّ قاد
والله إنّـا في سجـــونٍ واسعــات بلا قـيـــود

في زمن قهر الرجال وبيع الأمة في المزاد
يـا الله أفرجهـا علـينـا يـا غفـــور ويـا ودود

الفتايل مستعدّة وين راسك يا الزّناد ؟
لو تـشب النـار نكـسر في عيـون الذلّ عـود

ارحمونا يا جماعة ما بقى فيها اجتهاد
اسمعـوا نبض الشـوارع كـل فعـل وله ردود

للحدث نبوة حسام وللخطأ كبوة جواد
طيحـةٍ طـالت وقـالت ما لخيمتكـم عمــود

ما حمانا بالمواقف لا مشير ولا عماد
لين صـارنّ الصبـايــا في مجـانـدنـا جـنـــود

الصبايا بالحرارة عيّرنّا في البراد
حرّضنّــا للـجـهــاد و ودّعنّـا للـخـلـــــــود

شفتوا آيات العروس ترتّل آيات الجهاد
أخرستهم بنت الأخرس بالشجاعة والصمود

واتبعتها عندليب وراحت أشلاءها سماد
في ثرى أرض الانتفاضة والصواعـق والرعـود

يا حماة الدار صرتوا للوسايد والرّقاد
والبنـات يفجّـرن أجسـادهـن مثـل الأســود

والله إنـا لابســينٍ بالملامـات السـواد
يـوم نخضـع بالمذلّـة للـخـنــازيـر الـقــــرود

سامعين و طائعين و خاضعينٍ بانقياد
حـافظـينٍ للـعـهـود وهم يخـونـون العهــود

يوم شفت الصمت سيد موقف الرجال الشّداد
قمت أناظر فالكراسي وألعن القلب الشــرود

يا خسارتنا المريرة نارنا صارت رماد
واحـد وعشـرين دولـة مـا تصـدّوا لليـهـــود


رابط حفظ القصيدة بصوت الشاعر



القدس السليب

يا إلهي وش بقى فينا يشرّف يا إلهي ؟
لا انتصار و لا اعتبـار و لا شمــوخ و لا كـرامـة

اتباعية وذلّ وقِلّ جهد وعذر واهي
وانكسارٍ ما عرفنا وش حلالـه مـن حـرامــه ؟

وين صنّاع القرار ؟ أهل الأوامر و النواهي
وش عذر قادات الأمة والمناصـب والزعـامـة ؟

الحقايق والدلايل في زمان الذل ها هي
واضحة وضـوح شمسٍ مـا تغشتهـا غمـامــه

بعد ما كنّا الأسود اللي بحاضرها تباهي
كيف صرنـا بالحقيقـة مثل سـالفة النعامـة ؟

الخطر يحيط فينا والعقل بالغيّ لاهي
والله إنّـا نستحـقـك يـا العـقــوبة والملامــــة

يومنا نومٍ طويل ما به إلا الحلم راهي
وإن حلمنـا مـا حلمنـا بالفـرح والابتســامـة

وإن بدأ الليل ابتدينا بالملاهي والمقاهي
ضحك و مـزوح وسـوالـف نسأل الله السلامـة

من دعاية ، في مسلسل ، أغنية ، في لبس زاهي
واهتمـامٍ بالمظـاهـر و المراكــب و الإقــامــة

والقنوات الفظيعة تعرض أنواع المشاهي
رقص في رقص وتسابق للسفـور و للوسـامـة

كيف حتى إعلامنا أصبح في طروحاته يضاهي
النصارى و اليهود وقلـب الديـن اهتمامـه

جيت أذكّر كل غافي بالمنـام وكلّ سـاهي
ما يرجّع مجد الأمة غصن زيتون و حمـامـة

شوفوا إسرائيل تفتك بالبلاد أم الدواهي
ما لقت فينا رجـال ولا جيـوش ولا صرامـة

أسرفت فينا وصرنا للمقاصل والمطاهي
وأطلقت شارون فينا والجحش صرنا طعامه

والغريب اللي خذاني فعلاً وشدّ انتباهي
التبلّـد في قضيتنـا الأساسيـة .. علامه ؟؟!!

ماتت النخوة وماتت كل بسمة في شفاهي
يـا عرب وين العروبة والحميّة والشهامـة ؟؟

كل ما شفت القهر والذلّ يمّمت اتّجاهي
يمّة أولى القبلتين وقلت : قـومي يا قيـامـه

يا إلهي جيتك أدعو يا إلهي وأنت جاهي
يرجع القدس السليب وتنجلي عنّا الغمامة


رابط حفظ القصيدة بصوت الشاعر



الخطـأ المقصـود

ديمــومـةٍ سبّلــت همّـالهـــا بالـظــلام
وأرخــت جنـاحـيـنهـا للحـرب و أهـوالـهــــا

فيهـا من الفعل كثر اللي بنـا من كـلام
وإن طـوّل الصمــت فــال الله ولا فــالــهـــــا

هلّت بردهـا من البـارود مثـل الغمــام
علـى العـــراق العـريــق وزادت أغـلالـهـــــا

مسكين من صدّق إن الحرب لأجل السلام
كِـذبـة كـشـفـهــا الزمـان و بــان دجّــالـهــا

الحرب صـارت على بغـداد حرب انتقــام
تــدرج رحـاهــا بغـيـظ وتفـرك أثـفــالــهــا

تحت اسم الإرهاب يا المسلم عليك اتّهــام
يـا لعنـة الله على أهـل الـكـيد وأعمـالـهــا

ترسل قنـابـل ذكـيّة والخـطـايـا جســــام
مـا أدري غبية وحنّـا أغبى من إرسـالـهـــا

هذه ضحـايـا الخطـأ المقصـود بين الرّكــام
على النفــوس البـريّـة حطّـت أثـقــالـهـــا

تقتل كهـول ونسـاء وأطفـال سنّ الفطــام
أمثــال مـا صــار بـالـحـِلّـه ومـا نـالـهــــا

عـوايـلٍ بأسرهـا راحـت بعــزّ المـنـــــام
أكـل الـشــرايــد عـجـــوزٍ زاد وِلـوالـهــــا

ويفتشـون الحـرايـر نـاقـشـات الـوشـــام
كــم حــرّةٍ تـلـطـم الـخـدّيـن عـزّالـهــــا ؟

على شرفـهــا تعـدّوا يرفعــون اللـثـــام
وإن صـاحـت بـظـيـمـهـا ما أحدٍ توحّالهـا

ليل المريضة تنادي وين قـيس الغــرام ؟
بعراقـهــا تنتحـب واطّــوّح بشـالـهــــــا

تبكي وتنخى هل الفزعة خَـوال وعَمَـام
لكـن ولـد عـمـهـا كِـنّـه ولــد خـالـهـــــا

المعتصم راح ،، واللي يستمعهـا عصـام
من قــوم ذلٍّ لحـاهـا تنتـف سبــالـهــــا

يا حرّ قلبي من اللي صار يـا أهل المـلام
وأرض الخـلافــة غزاة الكـفـر تـغـتـالـهــا

الجرح ينزف قهر والعين عيّـت تـنـــام
غـيّـم سمــاهـا الحـزيـن وهـلّ هـمّـالـهـا

أبكـي على شمّر إللي ظيفهم ما يظـام
قبـيلـةٍ يـشـهـد التــاريــخ لأفـعــالـهـــا

وأبكي جبور العراق اللي تقص العظام
وسلايـل المنـتفـق مـع بـاقـي أبـطـالـهـا

أهل الشجاعة رجال الحرب يوم العـزام
تسـابـق المــوت حرمتـهــا و رجّـالـهــــا

حتى غدت برنو و الفلاّح صـاروخ سـام
وكلاش ميســون عدّت بـه عن عـيـالـهـا

ما يدفـن الراس لـمِن ذَلّ غيـر النّعام
ولاّ تـرى الحـرّ نفسـه ترفــض إذلالـهــــا

المـوت حـاصل بحـادث سير ولا حســام
والنفس مـوت الفخـر عن ذلّهـا أشوا لهـا

إن مِتّ جنّة عدن وإن عشت تلبس وسامها
والنفس في الحالتـين تسـرّك أحـوالـهـــا

يا مسلمين إفهمـوا المخطّـط الإقتسـام
بانت مظـامـينـهــا ما عـاد يبغـالـهـــا

بغداد الأمجاد وأرض الرافـدين الكِرام
تهـاوت أركـانـهـا من ضرب زلـزالـهـــا

حضـارةٍ خـالـدة من عشرة آلاف عــام
اليـوم مـا باقي منهـا سوى أطـلالـهــا

على رصيف الرصافة يقتلـون الحمـام
والجسر و الكـرخ شرّ المغتصب طـالـهــا

لا والله هـلّلـوا فـيـنـا عيـال الحــــرام
روس الطـواغـيت حطّتنـا على بـالـهــا

بغداد ما بعدها إلا الشام وأرض الحرام
مِن حــاش دينـارهـا مـا وفّر ريـالـهــا

أللي يبي العزّ ينده للجهـاد الهَمَـام
لعـلّ الأمــة تفــيق ويــذّن بـلالـهــــا

في ساحة القادسية مجد الإسلام نــام
يبي مثل سعد والقـعـقـاع وأمثـالـهــا

ولاّ المثنّى وخــالـد رافعـين المقـــــام
من عقبـهم رايـة التوحـيد يرثى لهـا

أيّـام بِـه مَن يـورّد للقنـا والسّهـــام
وجيوش الإسلام ما أحلى صفّة أرتالها

إمّا اتّحدنـا وخلّـينا العقـيدة حــزام
رحنـا دويـلات تركـع ذلّ بلـحـالـهـــا

يا حادي العيس علّق بندقك بالسّنام
ولاّ استـرح واتـرك الفزعـة لـخـيّـالهــا

الله يسلّم لنا ليث الليـوث الإمــــام
يحمي الحرمين والقدس يحمى جـالها

عساه يظهر ويجلي الليل بدر التمام
ويقـود الأمـة ويبعَث ميّت آمـالـهــا

إمّـا ردعنـا العـدوّ ولاّ علينـا السـلام
رحنا وراحت صروحٍ سادت أجيـالـهـا

وإن صـارت الواقعة لعلنـا ما نضـام
قولـوا ترى فلان قبل تصير قِد قالـهـا[/b][/i][/center][/scroll]