فلسطين

هاذ القصيدة نهديها للقدس وفي جلال وجاكي بزاف بزاف

مانيش مليح يا خويا راني مضرار ** وكع العالم راه ساهي ويخمم
وراني نخبر في العرب لي حٌضار ** واللي عندك نيف هاد نوبة ڨدم
وفلسطين الزينة شعلوها بالنار ** وجاي هاد القدس غادي يتهدم
وعرفات حصرينه وسط الدار ** والشعب مسكين حي ويتردم
والمسيرة ماتطفيش هاد النار ** والمريكان ما بغاش يتكلم
وما عطاش الحق في ذاك الحوار ** في الجهاد راه الحال احكم
شعال ماتو بزاوز صغار ** وما خلاو في دار زينة مسڨم
ياربي سلك العرب من ذو الكفار ** هادا شعال من عام عاشوها فالهم
لامبيلونس يهرسو فيها بالشار ** والمجروح يخصه الدم
وين راكم يا عرب صحاب النيف ** يا امة الرسول زنين الصفة
كان باقي القدس داه جويف ** عبادين لأصنام راها تتكلفى
ولطف بنا وانت اللطيف ** راه دين مريض يتعجل بصيفة
هادا بيت القدس مقام شريف ** كان قبر الرسول هادي معروفة
يارسول الله هاذ الحية كيف ** شوف العدو راه فينا يستشفى
ضروك ركن الحج روح يا لطيف ** واليهود فارحين والعرب كل زعافة
غزوة بدر تنوض في القدس الشريف ** والميزان يغلب في الكفة
يا ربي ما راك راقد نوضوك ما راك بعيد نلاغوك
راك حاضر وتشوف هاو سقم لنا العرب المسلمين في القدس
واللي مات على شهادة يموت نظيف ** وديرو كيما سيادكم الخلافا

وأنا ههههههههههههههههههههه بارك الله فيك الحاج هههههههههه

السلام عليكم

إيييه
والله يعطيك الصحٌة يالحاج]

السلام صحا الحاج راك شاعر ومناش عارفين ههههههههه يعطيك الصحة

أنت لكاتب القصيدة ولا غيرك من الأحسن تضع المصدر

انا غير نسمعهم هاد القصائد
ومن قوة اللي نتاثر بيهم
نكتبهم في المنتديات

ماشاء الله بارك الله فيك إذا انت تسمعهم تتأثر بيهم نحن أيضا نحب الشعر خاصة الفصيح والبدوي

بارك الله فيك اخي الفاضل

شكرا خنساء على طلة اللي ضربتيها من جيهتي

» (( فلسطين ))
» فلسطين مهد الأديان
» ما اجملك يا فلسطين --صور--
» دولة فلسطين
» معذرة يا فلسطين

فلسطين

فلسطين

مواضيع مماثلة

مواضيع مماثلة

المواضـــــــيع المشابــــــهه