واش نقلك انا عندي بزاف جرائم نذكرلكم بعضها :
1-مرة لحت روحي من فوق السطح حبيت نجرب الانتحار واحد ما فاقلي وبعد يومين جات مرت عمي تسقسي في ماما كفاش راني
2-ومرة بعثوني نشري في علبة طماطم تاع كيلو شريت تاع الرطل وفتحتو في الطريق نذوق فيه لخاطر كنت نحبو بزاف وكي وصلت لدار قلتلهم راهو عمي الخرشي مولا الحانوت الله يرحمو مدولي مفتوح راح ليه بابا الله يرحمو وداني معاه ويعجبك ما حشمتش منو وقتلو ايه انت مديتولي مفتوح وقريب يديرو معركة هو وبابا
3-ومرة رحت انا وختي لعرس في الراحمين انا واختي الكبيرة ومن بعد كرهت قلت لاختي ياله نروحو وهي كل مرة تقولي من بعد كرهت وانا نستنا رحت رفدت روحي على 1 تاع الليل وطلعت للدار وخليتها تحوس عليا وكي رجعت للدار لقاتني راقدة وهي مفسخة من البكي عند بالها ودرتني
هذي بعض الاحداث فقط ماشي كامل
الثلاثاء 08 مارس 2022, 19:54
موضوع: ايا ادخلوا وقولولنا واش الجرائم اللي درتوهم وانتوما صغار هههههههههههههه 
