سلااااااااام

كيف احوالكم !!! ان شاء الله تكونوا ف تمام الصحة و العافية ...



كانت فــ بالي وحد الفكرة مند مدة و اليوم بالذات حبيت نطرحها بعد ما تذكرتها من حبة الحلوى فيستا و الفكرة بسيطة جدا و هي انو كل عضو يطل فــ الموضوع هذا يشاركنا بصورة قديمة هو يختارها من جهازه الخاص و يعطي كلمة مختصرة جدا علئ تلك الصورة !
بالنسبة الئ الصور اللي من المفروض تشرفونا بها فـــك الموضوع انا لا اقصد صور شخصية لكم او لشخصيات لالا.
أقصد صور ادوات منــزلية . مدرسيــة كتب . صفحات .اوراق نقدية . اجهــزة كهربائية تفكرنا بزمن مضئ الــــخ ...

هكذا .

المغزئ من طرح الموضوع : أقولها بالدارجة تسمحوا لي باش نتفكروا لحظات و أيام زمان ك كنا صغار و واش تفكرك تلك الصورة !
خد نفس عميق و تأمل فــ الصورة بدقة و أسترجع ذكرئ خاصة ...

الله يبــارك




سلامتكم

الجديد حبو ....ولقديم لا تفرط فيه...عين التقنية

الحاج اللي ما يجيبش هذي ما نستعرفوش بيه

عجبتني الفوتو نتاع صوارة الحج،ايييه ياحسرااه

امالا شوف هاذي وقولي يا سي بوعمامة

أنا ابحث في الارشيف لي عندي وإن شاء الله لدي عودة في هذا الموضوع الجميل

كنا نضالو فوق السطح نريڤلو فيه..ههههه

aadia كتب:

كنا نضالو فوق السطح نريڤلو فيه..ههههه

؟؟؟؟

مزالنا نريقلو فيه 
عدنا واحد حاكمين بيه العايب 

العايب: واحد طالق البث نتاع قنوات الرايضة

saadia كتب:

امالا شوف هاذي وقولي يا سي بوعمامة

وهل يخفى القمر مع حلوة فوسطا كلينا منها نشبعنا

آآآآ يا سيdz راك حاب يطيح علينا الناتو والمريكان لا لا
للاسلحة الدمار الشامل
----
تجيبلنا قا في الحوايج الخطيرة

هايلة يا dz,فكرتني بالمغمرات تاع الطفولة،اول مرة جيت نتيري بيه رجع عليا و قاسني،ههههههه

موضوع جميل جدا بوعمامة

أنت قلت الصورة من جهازك الخاص يعني تقصد صورة خاصة بنا  وليست من النث أليس كذلك؟
عندي أرشيف إن شاء الله نشارككم
عندي رسالة كتبتها لخالتي وعمري 6 سنوات بمناسبة عيد المرأة بصح ما تضحكوش عليا
وعندي عملة نقدية قديمة لأبي رحمه الله تعود لسنوات الستينيات سألتقط لها صورة
واش عندي ثاني أمممممممممم عندي دميتي التي لازلت أحتفظ بها
أرشييييييف نشبعكم غبار

البداية مع هذه الورقة النقدية من فئة 100 دينار جزائري إحتفظ بها أبي رحمه الله تعود لسنة 1964 وأحتفظ بها الآن كذكرى منه

ماشاء الله يا سناء،عجبتيني بزاف..والله اصيلة و نص
راني متشوقة باه نشوف الدمية ديالك

الله يعزك سعدية
تشوفيها إن شاء الله ولكن ليس الآن بل لاحقا على خاطر راهي في أسفل السافلين وما نقدرش نجبدها دوكا
هاني جبت حوايج أخرين في متناول يدي حاليا
البداية مع الرسالة هههههه والله شبعت ضحك كي شفتها عند خالتي ربي يشفيها
المناسبة كانت عيد المرأة وكانت خالتي ضيفة عندنا كتبت رسالتين واحدة لأمي رحمة الله عليها  للأسف هي لم تحتفظ بها عكس خالتي التي إحتفظت بها لأنها تأثرت كثيرا وقتها
رسالة ورسمة كلها براءة وفرحا بالألوان المائية 



ن
على بالي ما تفهموش الخط هههه هذا ما كتبته وقتها : أحبك يا خالتي أتمنى لك السعادة شكرا ....أحبك يا خالتي مثل أمي فلا فرق بينكما ... خطي ليس ركيكا لهذه الدرجة ولكن أتذكر أنني كنت أكتب وأرسم خفية تحت الزاورة زعما حبيت نفاجأهم

ضعوا الأقنعة هناك المزيد من الغبار في الأرشيف
يتبع

زربية تعلق على الحائط تعود لسنة 1976 هي من عمر أخي الأكبر عبد الغني

كي نشوفها نتفكر فصل الشتاء وفاكهة المندرين ما العلاقة لا أعرف ؟ ههههه نضحك برك هاذ الزربية كانت معلقة عندنا في غرفة النوم وكنت نرقد ونتفرج فيها ونتخيل و أنا نقشر في المندرين وأكيد المندرين مسروقة يعني ناكل بالتخبية هههههه

ريحة الغالية أمي... أعمالها اليدوية في التطريز ... سترافقني هذه الأشياء لبيتي إن شاء الله
طقم طاولة وفرش سرير عمرهما أكثر من 20 سنة





يتبع

إبداع الشوماج
أولى أشغالي اليدوية في التطريز بعد التخرج من الجامعة والمكوث في البيت بدون عمل


سعدية بالاك تعجبك تخدمي كيفها

حتى شركة سامسونغ نسات إذا خدمت هاد النسخة من الهاتف النقال ههههه أول هاتف نقال إمتلكته هدية من أبي رحمه الله إستعملته لمدة سبع سنوات وباقي جديد
بصح العام لي فات ضربوه بعين  جابوه ميت توخدت ومع ذلك أحتفظ به ميت وما فرطتش فيه 

أشكون يشريه ؟؟؟؟ هههههههه

رائع جدّا ... أنا حقا متأثّر غاية ما يكون التأثّر وخاصّة من حميمية الذكريات التي تحملها تلك الأشياء العتيقة التي حملتها صوركم جميعا وخاصّة صور سناء ... سيكون لي معكم مشاركات في هذا الرّكن بإذن الله ...

كل شيء رائع قدمته لنا وخاصة الاعمال اليدوية لامك وانت الاخت سناء خرجتي ليها ماشاء الله
اما الهاتف لكسبتيه عصري مودارن
لكان عندي ايركسون باللونتان كبير

الله يسلمك برهومي
مودارن في 2006 من بعد لالا والدليل عييت نحوسلو على شارجور ما صبتش وين  نروح   يقولولي إيييييييييييييييييييييييييوو  ما شكيتش تصيبيلو شارجور مودال قديم

يا الله يا سناء،كم اخذتني بعيدا يا غالية،ما هذا الفن و الابداع و الاصالة يا اصيلة،احتفاظك بتلك الاشياء الرائعة دليل على انك انسانة وفية بكل معنى الكلمة وتلك الذكريات كلها لا تقدر بثمن حتى ذلك الهاتف تمنيت لو انني قد حصلت على مثيله من والدي حتى يبقى ذكرى"وش رايك تبدليهلي بالآيفون"..ههههه
اه يا سناء و تلك الوسائد المطرزة،الله الله على الابداع،اكيد نحاول نخدم كيفهم و نبعثلك تشوفيهم
10/10