تذكير بمساهمة فاتح الموضوع :

 
السلام عليكم ورحمة الله وبركاته
من منا لم يتعرض لبعض المواقف المضحكة والمحرجة في حياته اليومية
قد تكون بعض هذه المواقف حدثت سابقا في أيام الدراسة أو في أيام الطفولة
المهم انك مررت بموقف مخجل أو مضحك وغالبا فحتى المواقف المحرجة مضحكة
عن نفسي مررت بالكثير من المواقف والتي سأروي لكم بعضها إن شاء الله
وبالمقابل أريد مشاركة الجميع في هذه الصفحة
فالغاية من الموضوع الترويح عن النفس
بانتظار أجمل المواقف من أحلى الأعضاء
سناء
 

السلام عليكم ورحمة الله تعالى وبركاته
أولا اشكر الاخت سناء على هذا الموضوع التفاعلي والذي نحكي فيه عن جزء من حياتنا الشخصية
والامور التي حدثت لنا وبقية راسخة في الاذهان ونحكيها في مجامعنا من باب الضحك والترويح عن النفس
لكن اليوم انا راح احكيلكم عن موقف حدث لابي وهو الذي سرد لنا هذا الموقف
يقول عندما كنت صغيرااا كن نأخذ حبوب القمح والشعير ونذهب بها الى المطحنة
وكانت المطحنة في ذلك الوقت تعمل بدولاب الماء يعني تقع في واد بوسعادة
وكان يذهب هو واخوه يعني عمي ويحملون الحبوب في اكياس فوق //اعزكم الله // الحمار
وذات يوم من فصل الصيف كانت الشمس تحرق كل من يقف تحتها ههههه
ذهبو كعادتهم وللوصول الة المطحنة يجب قطع الواد ...
كل شيء عادي عبرو الواد وطحنوا دقيقهم لكن عند الرجوع وبالضبط في منتصف الواد توقف الحمار وتصمر في مكانه
واذا بالناس تنادي يا جماعة الواد الواد يعني الواد راه حمل ..الحملة قادمة ليست الحملة الانتخابية كان واد بوسعادة والقايلة حامية يحمل بدون مطر او سحب
حاولوا بكل الطرق تحركه لم يرد بل رفع المكابح //فرى مى// وقالهم دبر راسي ...الحمار لا يتكلم لكن هم فهموها قالولو دبر راسك..قامو بانزال الاكياس واخذو ما استطاعو ان يحملوه من الاكياس وقالولو ا مالا دبر راسك حنا قلنالك امشي معانا الى بر النجاة محبتش
وجات الحملة وبعد يوم ذهبوا الى مصب الواد وجدو رفيقهم ههه مقلوب ارجله الى الاعلى ومنفوخ
هذا لي ميسمعش مليح ويقول دبر راسي حتى واحد يسالني
ههههههههههههههههههه
مالا اذا عجبتكم القصة ديرو   
واذا معجبتكم ديرو   


ب

😶والله غير غاضني الحمار بزاف...لكن الموقف عجبني،وخاصة كي تسمر في نص الواد,ههه،راح للموت برجليه..

هههههههه مسكين الحمار حب يتبرد شوي كان الحال سخون وعجبو الحال في الواد
واحد ما حس به

ههههههه بصح تفرت فيه المسكين

السلام عليكم ورحمة الله
أذكر مرة اني كنت أدرس في المتوسطة طبعا كان معظم الأساتذة يحسنون الظن بي ويرون في شخصي ذلك التلميذ المنضبط والهادئ،في إحدى الأيام انتهت حصة العلوم وبدأت بجمع أدواتي هاما بالخروج ،وكنت أظن بأن أستاذة العلوم التي كانت تقدرني وتحترمني أنها غادرت القاعة لذا لما مر أستاذ الفيزياء من أمام القسم بدأت بالتعليق عليه ووصفه ببعض الكلمات لا أدري ماحملني لهذا ذلك اليوم ،حاول أحدهم تنبيهي بالاشارة لكني لم أفهمه واستمررت بذلك المهم لما انتهيت من فعلتي هذه واستدرت وإذا بالأستاذة العزيزة لم تغادر القاعة بعد المسكينة تفاجأت ومن شدة دهشتها غادرت من  دون أن تقول لي كلمة واحدة.

أتسائل ماذا كان إحساسك حينها يا ترى 😓او😅او 😳ههههههه

geonabil كتب:

السلام عليكم ورحمة الله
أذكر مرة اني كنت أدرس في المتوسطة طبعا كان معظم الأساتذة يحسنون الظن بي ويرون في شخصي ذلك التلميذ المنضبط والهادئ،في إحدى الأيام انتهت حصة العلوم وبدأت بجمع أدواتي هاما بالخروج ،وكنت أظن بأن أستاذة العلوم التي كانت تقدرني وتحترمني أنها غادرت القاعة لذا لما مر أستاذ الفيزياء من أمام القسم بدأت بالتعليق عليه ووصفه ببعض الكلمات لا أدري ماحملني لهذا ذلك اليوم ،حاول أحدهم تنبيهي بالاشارة لكني لم أفهمه واستمررت بذلك المهم لما انتهيت من فعلتي هذه واستدرت وإذا بالأستاذة العزيزة لم تغادر القاعة بعد المسكينة تفاجأت ومن شدة دهشتها غادرت من  دون أن تقول لي كلمة واحدة.

هههههه واش حبيتها تقول شوكيتها نبيل
كل ده يطلع منك 

حرصي على النشاط الدائم للمنتدى والتفاعل بين الأعضاء وجعل المنتدى مساحة للتفاعل الجميل بيننا هو ما يدفعوني لمراسلة الأعضاء  عبر الرسائل الخاصة ودعوتهم للمشاركة في المواضيع هذا هو هدفي لا أكثر ولا أقل
أعتذر من كل شخص راسلته  وأزعجته وطلبت منه المشاركة ولم يكلف خاطره حتى المرور على الموضوع إن كنت لا ترغب في المشاركة على الأقل أكتب ردا تشكر فيه صاحب الموضوع على دعوته لك

اسمحولي  والله كنت مشي في عقلي

المسجون مدي الحياة كتب:

اسمحولي  والله كنت مشي في عقلي

معليش سليمان ربي يصبرك على فقدان صديقك

السلام عليكم ورحمة الله وبركاته
موقف آخر
في مرة رحت نشري الخبز وما كنتش رافدة معايا دراهم بزاف يعني قيس ما  نشري الخبز برك ..مالا شريت وكي كنت راجعة للدار شدتني وحد لمرى من يدي أنا حسبتها رايحة تسقسيني كاش حاجة وقفت ..بدات هي انت ناس ملاح ونية وقلب أبيض وكاين وحدة تغير منك وما تحبلكش الخير وانت والله غير تربحي والمستقبل قدامك و و و و ... خليتها حتى كملت وكملت طريقي .. قالتلي وين راكي رايحة.... قلتلها رايحة للدار .... قالتلي والدراهم .... قلتلها تاع واش....قالتلي كنت نشوفلك في المستقبل ديالك وزهرك ..... قلتلها أممممممممممم مليح وعرفتي هاد الشيء كامل المستقبل والزهر و و و وماقدرتيش تعرفي بلي ما عندي حتى فرنك  لي كانو عندي شريتهم خبز   

رد قمة في الذكاء يا غالية....بصح ماعمباليش بلي الشوافات ولاو يجرو برا ويعرضو للناس باه يشوفولهم الطالع..يا لطيف..😳

sayad كتب:

السلام عليكم
ربما قصتي مش مضحكة بصح صرالي شيء خلاني انا نضحك ع نفسي بعدها
بحكم اني غايب ع البيت مرات اني ندخل لسيبار
وفي يومها كنت متعب وبزاااااف ثانيك من الخدمة وبزااف صوالح
هذي الخطرة  رحت لسيبار نمشي حتى ونها مسافة بزاف  بيني وبين السيبار
ع اي حال دخلت في الليل  لسيبار وانا ميت بتعب ومش حاب نخمم  كيف نرجع ههههه لاني متعب تمنيت نرقد ثما وخلاص
المهم كي رجعت للاقامة تاعي وراح ندخل ملقيتش المفتاح قلت اكيد راني نسيته في السيبار
كرهت حياتي ومقدرتش نرجع المهم بديت نمشي ونحلل في نفسي ههههه
 ضربت ساعة وانا نمشي ومتعب غير وصلت لسيبار
تخيلو وين لقيت المفاتح؟؟؟.
.
.
.
.
.
.
.
.
.
.

.
.
.
 كانو في يدي هههههه
والمشكلة  اني قلبتهم من يد الى يد وانا نحوس في جيوبي
 لذا راح بالي اني خليتهم في السيبار
هذي برك نفسي حبت دير فيا الزكارة ههههههه

ههههههههههههههههه
مسكين رايح جاي والمفتاح في يدو
تصرى بزاف نحوسو على الحاجة وهي في يدنا
المهم وصلت بخير صياد وضربت تحويسة ودرت شوي سبور وأكيد رقدت مليح
أسعدتني مشاركتك

sayad كتب:

ههههههههه
مش ذاك الضرف لي لناس تحوس فيه
ياخي مهبولة انتي يا سناء هههههه
 مرسي ع مرورك الطيب

ههههههه
اانت ثاني ربي يهديك عيان وكون تصيب ترقد   وما فرطتش في السيبار  
ياخي مدمن سيبار انت يا صياد ههههه
عندك تزعف راني غير نقصر
شكرا على تفاعلك الجميل

الله يسلمك أخي بارك الله فيك

أريد أن أبتسم فهل من مواقف يا ترى؟
كاين عضو خفيف الظل وأكيد عندو مواقف كثيرة
هل عرفتموه
.
.
.
.
.
.
.
.
.
.
.
.
.

dz pro  نحن في الإنتظار هات ما في جعبتك وتعالى إلى هنا

وأنت أيضا
شاف والله
فرحتني بزاف في موضوع إكتشف الطبق
وإكتشفت أنك طباخ رقم 1 هنا
وراني حابة نكتشف
.
.
.
.
.
.
.
.
.
.
.
عماد صاحب المواقف الطريفة
فهل يعقل أن تبخل علينا
طبعا لا
نحن في الإنتظار
عماد

والثالث هو ناس ملاح حكيم ورزين وكرييييييييييييييم في نفس الوقت على بيها نتشجع ونطلب منو يشاركنا
غير ما تقوليش راني ناسي ومانيش متفكر ولا تستعمل الأسلوب البرهومي ( نسبة إلى عمي المدير ) تقولي من بعد نرجع وما ترجعش
أنت إيه أنت بالذات يا
.
.
.
.
.
.
.
.
.
.
.
 
dzgangasta
أريد إكتشاف الجانب الآخر في شخصيتك
نحن في الإنتظار
سناء

DZPRO كتب:

بسم الله وش ناكلو قصدي وش نديروا مانيش فاهم الموضوع ؟؟

بسم الله عليك ضربتك بعين وقيل
روح أقرى من أول الصفحة دوك تضحك وتفهم في نفس الوقت

هههههه dzpro هذا الموقف تعرضنا له كامل أنا وحدة شبعت طيحات في الدروج في الطريق في الدار في لعراس وآخر طيحة ما عندهاش بزاف  كانت أمام التلاميذ في دروج المدرسة  وخلي التلاميذ كامل بالضحك عليا وانا والله ما زعفت ضحكت انا ثاني وقلتلهم هيا روحو للدار ما تقراوش لعشية شبعو فرحة (ضحكة وفرحة ما يقراوش)
منور يا محترف وأريد مواقف أخرى أكثر إثارة